so lay me down.

Posted on mai 6, 2014 by ida

me drog like etter påske. første skuledag, faktisk. kalla det studietur. målet for dagen var trunyan. eit tradisjonellt hindusamfunn. ein landsby med ein hindureligion som går århundrer attende i tid. og som difor praktiserer hinduismen noko annleis enn resten av øya. eit døme er at ein ikkje kremerer dei daude med flammar. langsam kremasjon vert bruka i staden.
på vegen til trunyan stoppa me ved eit hindutempel. fekk ein omvisning.

oh, hi!

nydelege bygningar.

og så kikka me på rismarker. kult.

åt lunch til denne utsikten. kikka på ein av balis aktive vulkanar.

og til slutt nærma me oss trunyan. måtte ta båt over ein innsjø.

langsam kremasjon. dei daude vert lagd under taru menyan-tre. dei luktar godt. sjela – og lukta – vert teken opp av trea. seiast det.

etter eit års tid ligg berre skjeletta att. hovudskallane vert samla saman. og lagd på utstilling.

well, hello there. how are you?

bø! vart du skremt no?

a whole new world.

Posted on mai 6, 2014 by ida

det har gått long tid. long tid sidan første gong eg tenkte tanken. og endeleg gjorde eg det. etter å ha utsett det i over fem år. tok dykkarlappen, altså.

helga starta med opplæring i basseng.

laurdagen gjekk turen vidare nord. til lovina. og treningsdykk og teoriundervisning.

lovina by night.

søndagen gjekk turen til tulamben. og dykking ned til krigsskipet uss liberty.

jepp, eg klarte det.

ein nøgd gjeng på veg heim etter ein vellukka tur.

money, money, money.

Posted on april 2, 2014 by ida

betalte nettopp husleiga mi. 6 millionar. i kontanter. kjende meg rik.

natural silence.

Posted on mars 31, 2014 by ida

nyepi. balinesisk nyttår. stilla er til å ta og kjenna på. gatene er folketome. alt lys er slått av. mørkret omsluttar. vona er at demonane skal dra forbi bali. at dei skal tru øya er utan folk. for i går vart demonane jagd ut av øya. i dag gøymer folket seg.

det har vore ein lydlaus dag. ein dag utan trafikk. ingen fly har landa. ingen har letta. vandrar ein gatelangs risikerer ein å verta innelåst. til neste morgon. til nyepi er over. og verda startar opp att.

det er surrealistisk. det er ei stille som berre skjer ein gong i året på ei travel øy. ei stille ein ikkje skulle tru var mogleg å få til å arrangera. men ho er her. og dei einaste lydane som høyrest er naturlege. fulgekvitter. froskekvekk. gekkoens song. og det kjennest godt. det kjennest som heime. ein kan høyra seg sjølv tenkja.

natta byrja tidleg. ho er lang. for første gong sidan noreg kan eg sjå stjernehimmelen. og den er spektakulær.

så takk for stilla. takk for mørkret. takk for roen som kom. takk.

under the surface.

Posted on mars 22, 2014 by ida

drog til andre sida av øya helga som var. nord. til lovina. køyrde minibuss med ein gjeng andre studentar. stoppa på ein kaffiplantasje.

smaka på kaffi og te. fekk brukt litt penger i butikken.

drog og dykka laurdagen.

introduksjonsdykk.

hadde det gøy.

kikka på fiskar.

hadde lag med denne fine gjengen her.

på veg heim på søndagen gjekk me tur.

for å sjå på fossefall.

nokre galningar valde å hoppa.

eg studerte naturen.

såg balis kjende rismarker.

stoppa også for å helsa på desse her.

vitja også ein zoo.

fekk meg nye vener.

siste stopp var vasstemplet.

som er motivet på den indonesiske 50 000-lappen.

det regna.

fin helg!

it’s all in my head.

Posted on mars 11, 2014 by ida

«of course it is happening inside your head, harry, but why on earth should that mean that it is not real?» -dumbledore

love is in the air.

Posted on mars 9, 2014 by ida

denne veka vitja me ayana resort og spa. eit resort som er vorte kåra til verdas mest romantiske hotell. og som kan smykka seg med tittelen verdas beste spa. prisen er også deretter.

detaljane gjorde staden unik.

me vitja båe hotella på området. køyrde rundt i ein liten open buss.

eine hotellet låg inni regnskogen. det andre vende mot havet.

over 650 bryllaup finn stad årleg. og ein kan velja mellom sju ulike stader.

to av stadane ein kan gifta seg.

ein kan også leiga bungalow. til dømes denne.

til omlag 8000kr natta.

eller ein kan vitja rock bar. den einaste av sitt slag. som må stengja ved for store bølgjer.

me skoda på solnedgongen.

og tok bilete av oss sjølve.

så åt me god mat.

og avslutta kvelden på bar.

fin tur!

sweet escape.

Posted on mars 5, 2014 by ida

eg har ein stor lidenskap. ein som er med meg over alt. i periodar berre er den der. latent. og brått er den attende. for full styrke. oftast er den lett og medgjerleg. andre gonger er den ganske tung å dra på. bokstaveleg talt.

eg snakkar om bøker. lidenskapen til bøker. med ei bok i handa kan eg reisa frå denne verda. eg lever i fantasien si verd. bøkene si verd.

eg har reist verda rundt. eg har kjempa side om side med amerikanske soldatar i irak og afghanistan. eg har frose i russsland. eg har slukka brannar. og opplevd den steikande varmen i afrika. eg har mista ein eg elskar. eg har gifta meg. eg har levd kjendislivet i hollywood. og eg har budd i slummen. eg har stått på ski i canada. eg har vore på ol-laget i sprangridning. eg har vore turnar med ein lysande karriere. eg har utvandra til usa. eg har sigla rundt kapp horn. vore gullgravar i australia. eg har vore trollmann. eg har vore i konsentrasjonsleir. og eg har leika amatørdetektiv. eg har vore politi i alaska. eg har bore ringen inn til mordor. og eg har vore lege på den arabiske halvøya.

eg har levd livet til andre. eg har kjent deira frustrasjon. deira glede. eg har opplevd deira sorg. og lykke. deira smerte. og tru.

eg har ein lidenskap. for bøker. eg elskar å kunna drøyma meg vekk. leva ein annan sitt liv. lidenskapen tek meg verda over. til stader eg mest sannsynleg aldri kjem til å vitja. men ein dag står eg kanskje der. i whistler, canada. og tenkjer: her har eg vore før!

(kom over dette gamle innlegget. posta det på nytt. noko moderert.)